بانت علامات القيامة بلا أغراب
الشمس تكسف والليالي سريعة
حتى الشجر ما عاد ينبت والأعشاب
والأرض أجدبـت تمنـى ربيعة
وماعاد صاروا الناس أصحاب وأحباب
الشر عم وصــحــبة المرء بيعة
وحتى الأمانة لو قريبك بالأنساب
تستودعه فيها لخان الوديعة
والمحصنات اللي لهم حجر وحجاب
سابوا البراقع والخدور المنيعة
حتى الكرم ولى وحتى الزمن عاب
كل الأمور السيئة والشنيعة
وسادت الفوضى وخاب الرجى خاب
والجار مقداره حكم بالقطيعة
وحتى الحسد بين البشر صار له باب
والكل يسعى له وكلاً يطيعه
عودوا إلى سنة محمد والأصحاب
وارضوا كلام الدين وأهل الشريعة
والله يقبل توبة العبد إذا تاب
ومن تاب كان المصطفى هو شفيعه