كيكة الشيكولا بموس النوتيلا بالصور
[ندعوك للتسجيل في المنتدى أو التعريف بنفسك لمعاينة هذه الصورة]وصفة النهاردة
لذيذة
وخفيفه
وبتدوب في الفم بشكل مش طبيعي
وكمان تحسي انها شغل جاهز
واي حد ها يتذوقها هايسألك من اي محل
وصفتنا كيك الشيكولا بموس النوتيلا
نقول بسم الله
ونبدأ بالمقادير
الطبقه الأولي
كيك شيكولا اي نوع انتي معتمداه عندك
أنا استخدمت طريقتي في كيك الشيكولا
ودا شكلها
[ندعوك للتسجيل في المنتدى أو التعريف بنفسك لمعاينة هذه الصورة]المقادير
2 بيضة+فانيلا
1/2 1 كوب سكر
ربع كوب زيت
نصف اصبع زبدة
علبة زبادي
كوب ماء
2 كوب دقيق
م ك ب ب
3:2 م ك كاكاو
شوفتوا م المقادير واضح انها حلوة
استخدمت نصف المقدار
عشان عايزة الطبقه الأولي من الكيك طبقه نحيفه
الطريقة
نضع البيض والفانيلا مع السكر ف الخلاط ونخلط كويس حتي يصبح لونها فاتح
ثم نضيف الزبادي ثم الزيت والزبدة ثم الماء وفي الاخر نحط الكاكاو
ونخلط جيدا ثم يصب الخليط ف وعاء اخر ونضيف علية الدقيق مع ب ب
ثم يصب ف صينية مدهونة ومرشوشه كاكو عشان لما نيجي نقلبها يكون لونها موحد اما لو رشيناها دقيق هايكون
لونه من تحت ابيض
ثم تخبز في فرن مسبق التسخين من تحت فقط وعلي الشبك
بتاخذ حوالي 40 دقيقة
ثم نتركها ف الصينية شوية تبرد شويه
ودا شكل الكيك بعد ماخبزته في قالب التشييز كيك
[ندعوك للتسجيل في المنتدى أو التعريف بنفسك لمعاينة هذه الصورة]مقادير الطبقه الثانيه:
9 حبه كيري
1/2 كوب شيكولا نوتيلا السائله
250 مل كريمة خفق
3 معلقه كبيرة سكر بودر
معلقه كبيرة جيلاتين مدوبه في ربع كوب ماء ساخن
التزيين
شيكولا مبروشه
الطريقه
نخفق الجبنه جيدا حتي تصبح ناعمه وسلسه
[ندعوك للتسجيل في المنتدى أو التعريف بنفسك لمعاينة هذه الصورة]ثم نضيف النوتيلا ونخفق جيدا
[ندعوك للتسجيل في المنتدى أو التعريف بنفسك لمعاينة هذه الصورة]ثم نضيف الجيلاتين بعد ماذوبته في ماء ساخن وصفيته
[ندعوك للتسجيل في المنتدى أو التعريف بنفسك لمعاينة هذه الصورة]ثم نخلط جيداً
في وعاء اخر نخفق كريمة الخفق مع السكر البودر
وخلي بالك لا تبالغي في الخفق حتي لا تتحول الي زبدة
وبعد الخفق نضيف الكريمه الي خليط النوتيلا علي دفعات
يعني بالتدريج
نضيف جزء من الكريمه ونخلط بهدوء بالاسبتيولا
وهكذا حتي تنتهي الكميه
[ندعوك للتسجيل في المنتدى أو التعريف بنفسك لمعاينة هذه الصورة]ودا شكل الخليط بعد ماجهز
وصبيته علي الكيك بعد مابرد
[ندعوك للتسجيل في المنتدى أو التعريف بنفسك لمعاينة هذه الصورة]ونغطي الصينيه بورق شفاف او فويل
وندخلها الثلاجه قبل التقديم بليله
بتطلع متماسكه وأحلي
وطبعاً أنا استعجلت عليها
لان كنت عايزة اصور قبل الضيوف ماتيجي
عشان كده كانت مش متماسكه قوي
ولكن بالليل بعد العشا كانت تمام التمام
متماسكه وخفيفه مثل الغيوم
يمي لذيذة
بحبها جداً جداً
[ندعوك للتسجيل في المنتدى أو التعريف بنفسك لمعاينة هذه الصورة]سموا الله
ودي اول معلقه
يمي بتدوب
[ندعوك للتسجيل في المنتدى أو التعريف بنفسك لمعاينة هذه الصورة]م الداخل ع الرغم ان كنت مستعجله عليها ومأخدتش حقها ف التبريد
[ندعوك للتسجيل في المنتدى أو التعريف بنفسك لمعاينة هذه الصورة]ياالله كم هي لذيذة
[ندعوك للتسجيل في المنتدى أو التعريف بنفسك لمعاينة هذه الصورة]أتمني تجربوها
لانها لذيذة
وتشرفك في عزايمك وحفلاتك
في رعاية الله وآمنه
ولاتنسوني من دعواتكم الصالحه
والحمد لله الذي أطعمنا وسقانا وكفانا فكم ممن لا كافي له ولا مأوي
