اسف ماهوب انا اللي اذا راح يرجع
ما احب الخطا ولا للاعذار اسمع
اللي يبيني يجيني ماهوب انا اللي اجيه
ونا لا بغيت الشيء اركض له وادور عليه
هذا هو طبعي وانا راضي فيه
حب الكرامه طبع فيني ولا اقدر اخليه
احب امواج البحر ولا امن غدرها
واحب ضوء الشمس ولا اقوى حرها
واحب انفاس الشجر واستظل بظلها
والوم ظلم الليالي ولا اقبل عذرها
ليه نهين نفوسنا ونحب المستحيل
عزة النفس نفخر بها دام ماضينا اصيل
فينا اسى وفينا صبر ونقنع بالقليل
والحاسدين كثار وما يماشيهم الا الذليل
نسمع كل يوم اخبار لا تودي ولا تجيب
نصدقها وننشرها ونقول هذا الاكيد
تقوى قلوبنا وتقسى ولغيرنا ياما جرحنا
نسمع خبر ونودي خبر وكثير يا ماظلمنا
نتبع هوانا وعلى حساب غيرنا نبني فرحنا
حنا كذا دايم نرمي على الليالي ندمنا
هذي هي الدنيا اللي يماشيها تماشيه
واللي ما يعرف دربها يم سجنها توديه
الدنيا فيها عجايب واكثر عجايبها البشر
مسرحيه غريبه بطلها احنا يا عجب
مهما نساني وقتي وخذاني للجديد -- لا ابد قلبي يحن للماضي ويعيد
مهما تغيرت احلامي وخذتني للبعيد -- لا ابد شوقي للماضي في كل يوم يزيد
مهما لا موني هذا هو راسي ما تغير عنيد -- الماضي له في قلبي لضى وعلى لساني نشيد
ابذكره واتذكره مادام لي عمر مديد --- وابذكره واتذكره واقول له هل من مزيد