يهمك تعرف اوضاعي *** أنا عايش بأوجاعي
بعد مادمت في خداعي
أبد لايهمك كبر حزني *** ولاتسئل أبد عني
إذا في هجري متهني
جاي بعد مالقلب مل *** والغلا في داخلي قل
تحسب ان الرجوع حل
شيل احساسك برجوعي *** عمري مارضى بخضوعي
رغم عطشي لك وجوعي
رغم كل الاشتياق *** والحنين من بعد الفراق
ولهفتي للحظة عناق
رغم إني لازلت احبك *** ويزيد شوقي بذكرك
والقلب يلتفت يمك
جيتني وقلبت المواجع *** بعد ماأصبح القلب فاجع
يبكي علي .. كل ماقلت راجع
راجع وبإيدك موتتي *** وأول فرحك دمعتي
واللي يضرك فرحتي
هذا رجوعك للأسف *** اللي إنتظرته بالصدف
وعقلي لأجله استخف
ياللأسف .. ياللأسف .. ياللاسف........