جلست بضيقتي وحدي أفكرفي بداياتي على شاطي البحر جالس وكان اليوم بغروبه على الشاطي قعدت أحسب جروحي وكل خسارتي وكان الوقت حزتها مطر وقلوب مرعوبه وكانت طفله صغيره بجنبي تقرأ حسراتي كأن الضيقه في وجهي وهي بالروح مكتوبه تذكرت الحبيبه يومها خلتني بأهاتي بعدماجتني تشكي لي تقول اليوم مخطوبه وعرسي في شهر واحد وضاعت كل حيلاتي وأمي أعزمت ناسي وعرسي جهزو ثوبه تقول أرجوك أبي تحرق صوري مع رسالتي فراقك ماهو بكيفي وأنا والله مغصوبه وقالت خذ وعد من دمعي المقهور بسكاتي أموت بحبك الغالي وأريد أحيا على دروبه وقالت مدري وش قالت بلحظاتي خنقني الهم والدنيا غدت في عيني مغلوبه أستوعب ولاني قادر أستوعب نهاياتي أبي ذرة فرح ولكن لقيت الفرحه مسلوبه تساوت دنيتي تساوى الماضي بالآتي مدام أن العيوب اليوم ترفع ناس معيوبه رجعت لغرفتي بين الأثاث وبين شمعاتي أناظر كل رسايلها وقلت إن كان لي حوبه يعل اللي خذاها ياخذه ربي من دعاتي ويشوف اللي أنا شفته ويصير الهم مشروبه بكيت ومالقيت اللي يواسيني بدمعاتي وشكيت الجرح للدنيا ولامنهو لفت صوبه ماغير أمي تحاول بس تخفف لي معاناتي وبكت شافت حياة وليدها للموت مطلوبه وحبتني على راسي وأنا أشهق بسكراتي وقالت لي توضأ وصل وثوب الهم قط ثوبه ورحت اطلب المولا وأنا ساجد بركعاتي يصبرني على غيابك وأعيش بدنيا محجوبه وترى المسلم معرض للفتن لو طال ماماتي وأنا مسلم وكل مسلم أذا أخطاء له التوبه وقلبي من ذنوبه تاب وعزم يجمع أشتاتي وإذا قلبي مذنب ترى أنتي أعظم ذنوبة[/size]
عبد الهادي
الساعة الان : ALGERIE عدد المساهمات : 59 تاريخ التسجيل : 07/06/2012